السلام عليكم ورحمة الله وبركاته

هلا فيكم يا اخواني واخواتي حبيت اقول مشكلتي واتمنى تلقون لي حل واكون لكم شاكرة وادعي لكم بالخير

انا حبيت واحد من السعوديه وانا من بلاد ثانية وتعرفت عليه بالنت والمنتدى وكنا نحب بعض ومن طرفين

استمرت علاقتنا نص سنة لكن فجأة تغير علي وكل ما اساله يقول مشغول ومسافر وانا مب متغير

وللاسف كان يدخل نت على طول اللحين قطع كل شيء ولا اقدر اوصل له ولو دقيت عليه ما يرد علي

المهم ذلني ووصلني لحالة اني كرهت العالم وكرهت نفسي وشككني بروحي والله اني احبه موت وودي انساه

اتمنى تلقون لي حل كيف انساه ...وكيف اعرف ليش متغير لاني ترجيته انه ما يتركني ولا له خبر

مع انه كان واعدني انه ما يتركني الا لظروف اقوى من سيطرته شو اسوي حاسة ان احساسي مات

وصرت مبلده ولا اقدر ادرس ولا انام ولا اكل وزني قل وانخفض وصرت اكره كل الرجال

وتعقدت حسيت ان الكل كذاب ويلعب او انهم يملون بسرعه ويتغيرون وفي بدائل بدلنا

وعشان جي كرهت الرجال ولا افكر احب ولا اتزوج واحس اني اخاف منهم وما منهم امان

امانة القوا لي حل ولا اجاهر بمعصية ولا شيء لانها مشكلة وودي بحل ما ودي شيء ثاني

والله تعقدت واخاف كل ما حد خطبني افوت علي والسبة الي احبه وما سواه فيني

لكم الف دعوه لكل من ييرد